கோறளைப்பற்று மேற்கு ஓட்டமாவடி கோட்டக் கல்வி அலுவலகத்துக்குட்பட்ட மீராவோடை அமீர் அலி வித்தியாலயத்தின் 7 ஆவது பரிசளிப்பு விழா வியாழக்கிழமை (8) பாடசாலை முன்றலில் இடம்பெற்றது.
பாடசாலை அதிபர் எம்.மஹ்ரூப் தலைமையில் இடம்பெற்ற இந்நிகழ்வில் 2018 - 2021 வரை புலமைப் பரிசில் பரீட்சையில் சித்தியடைந்த மாணவர்கள் மற்றும் தவணைப் பரீட்சைகளில் முதலிடம் பெற்ற மாணவர்கள், புறகிருத்திய செயற்பாடுகளில் வெற்றிபெற்ற மாணவர்கள் ஆகியோருக்கு சிறப்புப் பரிசில்கள் வழங்கி கௌரவிக்கப்பட்டனர்.
அத்துடன், குறித்த பாடசாலையில் கல்வி கற்கும் அனைத்து மாணவர்களையும் மகிழ்வூட்டும் முகாமாக அனைவருக்கும் இந்நிகழ்வில் நினைவுப் பரிசில்கள் வழங்கி வைக்கப்பட்டன.
இந்நிகழ்வில், பிரதம அதிதியாக முன்னாள் இராஜாங்க அமைச்சர் எம்.எஸ்.எஸ்.அமீலி கலந்து கொண்டதுடன், ஏனைய அதிதிகளாக ஓட்டமாவடி பிரதேச சபை தவிசாளர் ஏ.எம்.நௌபர், ஓய்வு பெற்ற உதவிக் கல்விப் பணிப்பாளர் எம்.யூ.எம்.இஸ்மாயில், முன்னாள் கிழக்கு மாகாண சபை உறுப்பினர் எஸ்.ஜவாஹிர் சாலி, மீராவோடை மீரா ஜும்ஆப் பள்ளிவாசல் தலைவர் ஏ.எல்.அலியார், மீராவோடை பிராந்திய கல்வி அபிவிருத்திக் குழு தலைவர் கே.பி.எஸ்.ஹமீட், சமூக செயற்பாட்டாளர் எம்.எம்.ஹலால்தீன், பாடசாலை அபிவிருத்தி குழுவினர், பிரதேச முக்கியஸ்தர்கள் எனப்பலரும் கலந்து கொண்டனர்.
0 comments :
Post a Comment