திருகோணமலை மாவட்டம் அலஸ்தோட்டம் நாகம்மாள் அறநெறிப் பாடசாலை மாணவருக்குச் சீருடை வழங்கும் பொருட்டாகத் திருகோணமலை மாவட்ட நலன்புரிச் சங்கத்தால் 230000.00 ரூபா நன்கொடையாக வழங்கப்பட்டது. திருகோணமலை மாவட்ட நலன்புரிச் சங்கத் தலைவர் சண்முகம் குகதாசன் இதற்கான காசோலையை மேற்படி அறநெறிப் பள்ளித் தலைவர் சுந்தரலிங்கம் அவர்களிடம் வழங்கி வைத்தார்.
தமிழ்ப் பண்பாடு மற்றும் சைவநெறியைப் பேணிப் பாதுகாக்கும் நோக்கோடு செயற்பட்டு வரும் அறநெறிப் பாடசாலைகளில் அலஸ்தோட்டம் நாகம்மாள் அறநெறிப் பள்ளி முதன்மையான தொன்றாகும். இந்த அறநெறிப் பள்ளியில் 125 மாணவர் கல்வி பயில்கின்றனர். இவர்களுக்குச் சீருடை இல்லாத குறையை நீக்கும் பொருட்டாகத் திருகோணமலை மாவட்ட நலன்புரிச் சங்கம் சீருடை கொள்வனவுக்காக 230000.00 ரூபாவை நேற்று முன்தினம் (18.06.2023) நாகம்மாள் அறநெறிப் பள்ளிக்கு வழங்கியது.
திருகோணமலை மாவட்ட நலன்புரிச் சங்கத் தலைவர் சண்முகம் குகதாசன் இதற்கான காசோலையை மேற்படி அறநெறிப் பள்ளித் தலைவர் சுந்தரலிங்கம் அவர்களிடம் வழங்கி வைத்தார். குச்சவெளியைச் சேர்ந்த திருச்செல்வம் பிரபாகரன் நினைவாக இதற்கான அனுசரணை வழங்கப்பட்டது என்பது குறிப்பிடத்தக்கது.
0 comments :
Post a Comment