2023ம் ஆண்டுக்கான கிழக்கு மாகாண பாடசாலைகளுக்கிடையிலான விளையாட்டுப் போட்டிகளின் ஓர் அங்கமான எறிபந்து போட்டி 12.08.2023 தொடக்கம் 13.08.2023 வரையிலான இரண்டு நாட்கள் ஏறாவூர் டாக்டர் அகமட் பரீட் பொது மைதானத்தில் நடைபெற்றது. இதில் கிழக்கு மாகாணத்தைச் சேர்ந்த 63 பாடசாலைகள் பங்கேற்றன.
20 வயதிற்கு கீழ் பட்ட ஆண்கள் பிரிவில் சம்பியனாக மட்டக்களப்பு மத்தி கல்வி வலயத்தைச் சேர்ந்த ஏறாவூர் மாக்கான் மாக்கார் தேசிய பாடசாலை அணியினரும் 20 வயதுக்கு கீழ்பட்ட பெண்கள் பிரிவில் சம்பியனாக கல்முனை கல்வி வலயத்தைச் சேர்ந்த கார்மெல் பற்றிமா தேசிய பாடசாலை அணியினரும் 17 வயதிற்கு கீழ் பட்ட ஆண்கள் பிரிவில் சம்பியனாக மட்டக்களப்பு மத்தி கல்வி வலயத்தைச் சேர்ந்த ஏறாவூர் அலிகார் தேசிய பாடசாலை அணியினரும் 17 வயதிற்கு கீழ் பட்ட பெண்கள் பிரிவில் சம்பியனாக மட்டக்களப்பு மத்தி கல்வி வலயத்தைச் சேர்ந்த ஏறாவூர் அல்- அஸ்ஹர் பெண்கள் உயர்தர பாடசாலை அணியினரும் தெரிவு செய்யப்பட்டனர்.
வெற்றி பெற்ற மாணவர்களுக்கான சான்றிதழ்களை மட்டக்களப்பு மத்தி கல்விப்பணிப்பாளர் MSS. அமீர் அவர்களும் சக அதிகாரிகளும் வழங்கி வைத்தனர்.
இந்நிகழ்வானது கிழக்கு மாகாண கல்வித் திணைக்களத்தின் வழிகாட்டலுடன் மட்டக்களப்பு மத்தி வலயக்கல்வி அலுவலகத்தினால் ஒழுங்கு செய்யப்பட்டது குறிப்பிடத்தக்கது.
0 comments :
Post a Comment