காசிம் நகர் குச்சவெளி 3ஐ முகவரியாகக் கொண்ட அப்துல் கரீம் ஹக்குல் முபீன் மற்றும் ஹம்சா நஜ்மியா ஆகியோரின் செல்வப் புதல்வியான அல் ஹாபிழா ஹஸ்மத் பாணு, அல் ஹாபிழ் அல் ஆலிம் முஹம்மது ஆரிய (அல் அஸீஸீ) மற்றும் அல் 'ஹாபிழா அல் ஆலிமா தஸ்லிமா பர்வீன் (அல் அஸீஸியா) ஆகியோரின் சிறப்பான நேரடி வழிகாட்டுதலின் கீழ் சுமார் 6 மாத காலத்தில் புனித அல் குர்ஆனை முறையாக மனனம் செய்து வரலாற்றுச் சாதனையை நிகழ்த்தி இருக்கின்றார்.
புத்தளம், மதுரங்குளி, விருதோடையில் அமைந்திருக்கும் அல் ஜாமியத்துல் அஸீஸியா அரபுக்கல்லூரியின் ஆன்மீகத் தலைவரும் பன்னூல் ஆசிரியருமான அல்ஹாபிழ் அப்ழலுல் உலமா அஸ்ஸெய்யித் அப்துல் அஸீஸ் மௌலானாவின் தலைமையில் இந்த அரிய சாதனை நிகழ்த்தப்பட்டுள்ளது.
இச்சாதனையை கல்லூரி நிர்வாகம் வல்ல அல்லாஹ்வைப் புகழ்ந்து குறித்த மாணவியைப் பெருமனதோடு பாராட்டுவதோடு இச்சாதனையைக் கெளரவிக்கு முகமாக அம்மாணவி இலவசமாக புனித உம்ரா செல்வதற்கான சகல ஏற்பாடுகளையும் செய்துள்ளதாக தெரிவித்துள்ளது.
அல் ஜாமியத்துல் அஸீஸியா அரபுக்கல்லூரியில் ஆண், பெண் இருபாலாருக்குமான கிதாப் மற்றும் ஹிப்ழ் வகுப்புக்கள், அரசாங்கப் பாடத்திட்டத்திற்கமைய ஆங்கில மொழியிலான சர்வதேச பாடசாலை வகுப்புக்கள், அஹதிய்யா வகுப்புக்கள், ஆங்கில மொழியிலான பாலர் பாடசாலை வகுப்புக்கள், O/L, A/L மற்றும் வெளிவாரி கலைப்பட்டதாரிகளுக்கான வகுப்புக்கள் மற்றும் தொழில் பயிற்சி வகுப்புக்கள் என்பனவும் நடைபெற்று வருகின்றமை விஷேட அம்சமாகும்.
இந்த செய்தியை நண்பர்களுடன் பகிர்ந்து கொள்ள...
எமது உத்தியோகபூர்வ பேஸ்புக் பக்கம்
எமது செய்திகளை உடனுக்குடன் பேஸ்புக் மூலம் அறிந்து கொள்ள எமது பேஸ்புக் பக்கத்தை லைக் (like) செய்க!
எமது இணையத்தளத்துக்கு அனுப்பிவைக்கப்படும் ஆக்கங்கள் , செய்திகள் என்பவற்றுக்கு அதனை அனுப்பிவைப்பவர்களே பொறுப்பாளிகள் ஆவர். தவறான அல்லது பிழையான, அவதூறு, பிறர் மனங்களை புண்படுத்தும் செய்திகள் அல்லது தகவல்களுக்கு எமது நிருவாகமோ இணையத்தளமோ பொறுப்பாளியல்ல. இதனைக்கருத்தில் கொண்டு தகவல் தொடர்புகளை மேற்கொள்ளுமாறு வேண்டுகின்றோம்.- நிருவாகம் -
0 comments :
Post a Comment