பேராசிரியர் றஸ்மி ஆதம்பாவா அவர்களது தலைமையில் இடம்பெற்ற இந்நிகழ்வில் தம்மிக மற்றும் பிரிசிலா பெரேரா அறக்கட்டளை நிறுவனத்தின் DP EDUCATION IT CAMPUS கல்வி நிலைய செயற்பாடுகள் மற்றும் குறித்த கல்வி நிறுவனத்தின் பாட நெறிகள் தொடர்பில் தெளிவாக விளக்கமளிக்கப்பட்டது.
சுமார் 25 இலட்சம் பொறுமதியான; முதற்கட்டமாக 750 மாணவ மாணவிகளுக்கு முற்றிலும் இலவசமாக வழங்கப்படவுள்ள குறித்த கல்வித் திட்டமானது கல்முனை பிராந்திய மாணவர்களுக்கு மிகுந்த வரப்பிரசாதமாக அமையப்போகின்றது.
கணினி குறியீட்டு முறைக்கற்கை நெறி (Computer Coding ) செயற்கை நுண்ணறிவு (Artificial Intelligence) போன்ற இன்றைய காலத்தின் கணணி தொழில்நுட்ப தேவையை பூர்த்தி செய்யும் வகையில் குறித்த கல்வித்திட்டம் வடிவமைக்கப்பட்டுள்ளதாக இங்கு பிரஸ்தாபிக்கப்பட்டது.
இக் கற்கைநெறி அனைவரும் இலகுவாக கற்கும் வகையில் வடிவமைக்கப்பட்டுள்ளதாகவும் தெரிவிக்கப்பட்டது.
கல்முனை அல் ஹாமியா மற்றும் Dr. Jameel Memorial Hospital போன்றவற்றின் முழுமையான ஒத்துழைப்புடன் இந்த கல்வி நிறுவனம் செயற்படவுள்ளது குறிப்பிடத்தக்கது.
நிகழ்வில் Dr. சனா ஜமால்டீன் கல்வி நிறுவனத்தை கல்முனை பிராந்திய மாணவர்கள் பயன்படுத்த வேண்டியதன் அவசியத்தை எடுத்துக் கூறினார். மறூஸ் ஜமால்டீன் திட்டமிட்டுள்ள பாடநெறிகள் மற்றும் நிறுவனத்தின் செயற்பாடுகள் தொடர்பில் விளக்கமளித்தார். நிகழ்வின்போது அல் ஹாமியாவின் தலைவர் சிரேஷ்ட சட்டத்தரணி ஆரிப் சம்சுதீன் அவர்கள் கலந்து கொண்டு உரையாற்றினார்.
நிகழ்வில் பங்குகொண்ட ஊடகவியலாளர்கள் மற்றும் கலந்துகொண்டோரின் கேள்விகளுக்கும் விளக்கமளிக்கப்பட்டது.
0 comments :
Post a Comment