இவ்வருட ஜனாதிபதித் தேர்தலில் 38 வேட்பாளர்கள் போட்டியிடுகின்றனர். அவர்களின் கல்வித் தகுதி என்ன என்பதை அறிந்து கொள்வது ஒரு வாக்காளர் தனது முடிவை எடுக்க உதவும்.
ரணில் விக்கிரமசிங்க
-------------------------------------
1949 ஆம் ஆண்டு மார்ச் 24 ஆம் திகதி பிறந்த ரணில் விக்கிரமசிங்க கொழும்பு றோயல் கல்லூரியில் ஆரம்ப மற்றும் இடைநிலைக் கல்வியைப் பெற்றார்.
பின்னர், கொழும்பு பல்கலைக்கழகத்தின் சட்ட பீடத்தில் இணைந்து சட்டப் பட்டம் பெற்றார்.
1972 இல், அவர் இலங்கை உயர் நீதிமன்றத்தில் வழக்கறிஞராகப் பதிவு செய்யப்பட்டார். பின்னர் ஐந்து ஆண்டுகள் வழக்கறிஞராகப் பணியாற்றினார்.
2014 ஆம் ஆண்டில், ரணில் விக்கிரமசிங்க, மசாசூசெட்ஸ் தொழில்நுட்ப நிறுவனம் (எம்ஐடி) சர்வதேச ஆய்வு மையமான ராபர்ட் ஈ. வில்ஹெல்ம் உதவித்தொகை பெற்றவர்.
2017 ஆம் ஆண்டில், ஆஸ்திரேலியாவின் டீக்கின் பல்கலைக்கழகம் அவருக்கு கௌரவ டாக்டர் பட்டம் வழங்கியது.
சஜித் பிரேமதாஸ
------------------------------
1967 ஆம் ஆண்டு ஜனவரி மாதம் 12 ஆம் திகதி பிறந்த சஜித் பிரேமதாச இலங்கையின் இரண்டாவது நிறைவேற்று ஜனாதிபதியான ரணசிங்க பிரேமதாசவின் மகனாவார்.
இவர் தனது ஆரம்பக் கல்வியை கொழும்பு கொள்ளுப்பிட்டியில் உள்ள புனித தோமஸ் ஆயத்த பாடசாலையில் கற்றார். (S. Thomas' Preparatory School)
பின்னர் இடைநிலைக் கல்விக்காக கொழும்பு றோயல் கல்லூரியில் பயின்றார்.
சஜித் பிரேமதாச லண்டன் பொதுத் தரம் மற்றும் உயர்தரப் பரீட்சைகளில் தோற்றியுள்ளார்.
பின்னர், லண்டன் ஸ்கூல் ஆஃப் எகனாமிக்ஸில் பொருளாதாரம் மற்றும் அரசியல் அறிவியலில் பட்டம் பெற்றார் என்று சொல்லப்படுகிறது ஆதாரங்கள் இல்லை
கடந்த தேர்தல் காலத்தில் இவரின் கல்வித் தகுதி குறித்து பரபரப்பாக பேசப்பட்டது.
அநுரகுமார திஸாநாயக்க
--------------------------------------------
அநுரகுமார திஸாநாயக்க 1968 ஆம் ஆண்டு நவம்பர் மாதம் 24 ஆம் திகதி பிறந்தார்.
தம்புத்தேகம ஆரம்பப் பாடசாலையில் இருந்து பொதுப் பரீட்சை வரை கல்வி கற்றார். (முன்னர் தம்புத்தேகம காமினி மகா வித்தியாலயம் என அழைக்கப்பட்டது)
G.E.O. உயர் கல்விக்காக தம்புத்தேகம மத்திய மகா வித்தியாலயத்தில் சேர்ந்தார்.
1992 இல், உயர்தரப் பரீட்சைக்கு கணிதப் பிரிவில் தோற்றி பின்னர் பௌதீகப் பட்டப்படிப்புக்காக களனிப் பல்கலைக்கழகத்தின் விஞ்ஞான பீடத்தில் நுழைந்தார்.
அநுரகுமார திஸாநாயக்க பௌதீகவியலைக் கற்று 1995 இல் தனது விஞ்ஞானப் பட்டம் பெற்றார்.
நாமல் ராஜபக்ஸ
------------------------------
1986 ஆம் ஆண்டு ஏப்ரல் மாதம் 10 ஆம் திகதி பிறந்த நாமல் ராஜபக்க்ஷ இலங்கையின் இரண்டு முறை நிறைவேற்று அதிகாரம் கொண்ட ஜனாதிபதியாக பதவி வகித்த மஹிந்த ராஜபக்க்ஷவின் மூத்த மகனாவார்.
மவுண்ட் செயின்ட் தாமஸ் கல்லூரியின் பழைய மாணவரான இவர், பள்ளிப் பருவத்திலிருந்தே ரக்பி விளையாட்டில் ஈடுபாடு கொண்டவர்.
தொழில் ரீதியாக ஒரு சட்டத்தரணியான நாமல் ராஜபக்ஷ லண்டன் சிட்டி யுனிவர்சிட்டியில் உயர் கல்வியை முடித்துள்ளார்.
இலங்கை சட்டக் கல்லூரியில் சட்டத்தரணியாகத் தகுதிபெறச் சேர்ந்த அவர் இறுதிப் பரீட்சையில் தோற்றிய விதம் குறித்து பல்வேறு தரப்பிலிருந்தும் குற்றச்சாட்டுகள் எழுந்தன.
ஜனாதிபதி மஹிந்த ராஜபக்க்ஷவின் புதல்வர் நாமல் ராஜபக்ஷவுக்கு இலங்கை சட்டக் கல்லூரியின் (SLLC) பரீட்சை வினாத்தாள்களை வழங்குவதற்கான விசேட சலுகைகள் வழங்கப்பட்டதாக அப்போது குற்றஞ்சாட்டப்பட்டார்.
0 comments :
Post a Comment