"திசைமுகப்படுத்தல்" குறுங்கால பயிற்சியை நிறைவுசெய்த மாணவர்களுக்கு தென்கிழக்கு பல்கலைக்கழகத்தில் சான்றிதழ்கள் வழங்கும் நிகழ்வு!

இலங்கை தென்கிழக்கு பல்கலைக்கழகத்தின் இஸ்லாமிய கற்கைகள் மற்றும் அரபுமொழி பீட மாணவர்களுக்கான "திசைமுகப்படுத்தல்" குறுங்கால பயிற்சி நெறியை பூர்த்திசெய்த 2021/2022 ஆம் கல்வி ஆண்டு மாணவர்களுக்கு சான்றிதழ்கள் வழங்கிவைக்கும் நிகழ்வு, பீடத்தின் இரண்டாம் வருட மாணவர்களின் ஏற்பாட்டில், 2025.01.06 ஆம் திகதி தொழில்நுட்பவியல் பீட கேட்போர்கூடத்தில் நிகழ்ச்சித்திட்டத்தின் இணைப்பாளர் கலாநிதி எப்.எச்.ஏ. சிப்லி தலைமையில் இடம்பெற்றது.

இந்நிகழ்வுக்கு பிரதம அதிதியாக பதில் உபவேந்தர் கலாநிதி யூ.எல். அப்துல் மஜீத் கலந்துகொண்டு உரையாற்றியதுடன் கௌரவ அதிதியாக இஸ்லாமிய கற்கைகள் மற்றும் அரபுமொழி பீடத்தின் பீடாதிபதி அஷ் செய்க் எம்.எச்.ஏ. முனாஸ் பங்குகொண்டார். அதிதிகளாக அரபுமொழி திணைக்களத்தின் தலைவர் கலாநிதி ஏ.எம். றாசிக் மற்றும் இஸ்லாமிய கற்கைகள் துறையின் பதில் தலைவர் எம்.எம்.எப். பாஹிமா ஆகியோர் கலந்துகொண்டனர்.

குறித்த பயிற்சி நெறியானது பீடத்தின் புதிய பாடத்திட்டத்துக்கு அமைவாக புதிதாக இணைந்துகொள்ளும் மாணவர்களின் கற்றல் நடவடிக்கைகளை இலகுபடுத்தும் விதத்தில் தயாரிக்கப்பட்டிருந்தது. இதில் தகவல் தொழில்நுட்பம், ஆங்கிலம் மற்றும் அரபுமொழி உள்ளிட்ட பாடங்கள் உள்ளடக்கப்பட்டிருந்தன.

2021/2022 ஆம் கல்வி ஆண்டில் கல்விகற்கும் 450 மாணவர்கள் முதன்முறையாக பயிற்சிநெறியை தொடர்ந்திருந்தனர். குறித்த மாணவர்களுக்கே சான்றிதழ்கள் வழங்கி வைக்கப்பட்டது குறிப்பிடத்தக்கது.

இந்த செய்தியை நண்பர்களுடன் பகிர்ந்து கொள்ள...

எமது உத்தியோகபூர்வ பேஸ்புக் பக்கம்

importmirror.com

எமது செய்திகளை உடனுக்குடன் பேஸ்புக் மூலம் அறிந்து கொள்ள எமது பேஸ்புக் பக்கத்தை லைக் (like) செய்க!

முக்கிய குறிப்பு :

எமது இணையத்தளத்துக்கு அனுப்பிவைக்கப்படும் ஆக்கங்கள் , செய்திகள் என்பவற்றுக்கு அதனை அனுப்பிவைப்பவர்களே பொறுப்பாளிகள் ஆவர். தவறான அல்லது பிழையான, அவதூறு, பிறர் மனங்களை புண்படுத்தும் செய்திகள் அல்லது தகவல்களுக்கு எமது நிருவாகமோ இணையத்தளமோ பொறுப்பாளியல்ல. இதனைக்கருத்தில் கொண்டு தகவல் தொடர்புகளை மேற்கொள்ளுமாறு வேண்டுகின்றோம்.- நிருவாகம் -